Тогтоол №52760

ХЭРГИЙН ТАНИЛЦУУЛГА: Согтуурсан үедээ бие махбодийн хүч хэрэглэж, хохирогчдын эрүүл мэндэд хөнгөн хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, тус бүрд нь 450,000 төгрөгөөр торгох ял оногдуулж, 3 сарын хугацаанд хэсэгчлэн төлөхийг зөвшөөрч шийтгэсэн.

ҮНДЭСЛЭЛ: Шүүгдэгч Ц.Т нь согтууруулах ундааны зүйл хэрэглэсэн үедээ бусдын эрүүл мэндэд хөнгөн хохирол учруулсан ба нотлох баримтаар тогтоогдсон. Шүүгдэгч Э.А нь мөн согтуурсан үедээ бусдын эрүүл мэндэд хөнгөн хохирол учруулсан болох нь нотлогдсон. Гэм буруутай нь тогтоогдсон шүүгдэгч нарт Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийн хариуцлага хүлээлгэх болон Эрүүгийн хуулийн ерөнхий ангийн 6.5 дугаар зүйлийн 1.1, 1.2-д заасан хөнгөрүүлэх нөхцөл байдлыг харгалзан оногдуулсан ял нь үндэслэлтэй байна.