ХЭРГИЙН ТАНИЛЦУУЛГА: Таксины төлбөрийн маргаанаас үүдэн жолоочийн эрүүл мэндэд хөнгөн хохирол учруулсан хэрэг. АНХАН ШАТ: Хүний эрүүл мэндэд хөнгөн хохирол санаатай учруулсан гэм буруутайд тооцож, 500,000 төгрөгөөр торгох ял оногдуулж, учирсан 87,800 төгрөгийн хохирлыг барагдуулна.
ҮНДЭСЛЭЛ: Шүүгдэгчийн үйлдсэн хэргээ хүлээн зөвшөөрсөн мэдүүлэг, хохирогчийн мэдүүлэг, гэрчийн мэдүүлэг, эмнэлгийн шинжээчийн дүгнэлт зэргээр гэм буруу нь нотлогдсон. Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийн шинжийг агуулсан. Анх удаа хөнгөн гэмт хэрэг үйлдсэн нь хөнгөрүүлэх нөхцөл болсон.