Тогтоол №52308

ХЭРГИЙН ТАНИЛЦУУЛГА: Б.Б, Б.У нар нь бүлэглэн, 412 нэр төрлийн түүх, соёлын дурсгалт зүйлийг улсын хилээр хууль бусаар нэвтрүүлэхийг завдсан гэмт хэрэг үйлдсэн хэргээр яллагдаж байна. Шүүгдэгчид гэм буруугаа хүлээн зөвшөөрч, хөнгөн ял оногдуулахыг хүссэн.

АНХАН ШАТ: Шүүгдэгч Б.Б-г бүлэглэж, соёлын дурсгалт зүйлийг улсын хилээр нэвтрүүлэхийг завдсан гэмт хэрэгт хатгагчаар оролцсон, Б.У-г мөн гэмт хэрэгт гүйцэтгэгчээр оролцсон гэм буруутайд тооцож, тус тус торгох ял оногдуулсан. Мөн торгох ялыг 1 жил 6 сарын хугацаанд хэсэгчлэн төлөхөөр тогтоож, эд мөрийн баримтаар хураагдсан зүйлсийг холбогдох байгууллагад шилжүүлэх, автомашиныг шүүгдэгч Б.У-д олгохоор шийдвэрлэсэн.

ҮНДЭСЛЭЛ: Эрүүгийн хуулийн тусгай ангийн 18.5 дугаар зүйлийн 3 дахь хэсэгт заасан гэмт хэргийн шинж нь "үнэт, хосгүй үнэт" гэж заагаагүй, харин "Улсын хилээр барааг хууль бусаар нэвтрүүлсэн"-ээр гэмт хэрэг төгсөхийг шаарддаг. Хэргийн бодит байдлыг тогтооход гэрчүүдийн мэдүүлэг, эд зүйлд хийсэн шинжээчийн дүгнэлт, бусад бичгийн баримтуудыг үндэслэл болгосон. Шүүгдэгч нар улсын хилээр гаргах гэж байсан зүйлс нь гэмт хэргийн халдлагын зүйлд хамаарах бөгөөд галт тэрэгний үйлчлэгч, ажилтан байсан нь гэмт хэргийн субъект болох үндэслэлтэй. Улсын хилээр барааг хууль бусаар нэвтрүүлэх гэмт хэргийн бүрдэл бүрэн хангагдсан гэж үзсэн. Шүүгдэгч нарт ял оногдуулахдаа гэм буруугаа хүлээн зөвшөөрсөн, ар гэрийн байдал, анх удаа гэмт хэрэг үйлдсэн зэргийг харгалзан үзэж, торгох ял оногдуулах нь зохимжтой гэж үзсэн.