Тогтоол №52249

ХЭРГИЙН ТАНИЛЦУУЛГА: Шүүгдэгч нь хоёр удаагийн үйлдлээр, нэг удаад архи, нөгөөд нэг ширхэг пүүз, гар утас хулгайлсан үйлдлүүдээр бусдын эд хөрөнгийг илээр, хүч хэрэглэхгүйгээр, хууль бусаар авсан болон бусдын эд хөрөнгийг хүч хэрэглэхгүйгээр, нууцаар, хууль бусаар хулгайлсан хэргүүдэд холбогдсон. АНХАН ШАТ: Шүүгдэгчийг Эрүүгийн хуулийн тусгай ангийн 17.2 дугаар зүйлийн 1, 17.1 дүгээр зүйлийн 1 дэх хэсэгт зааснаар гэм буруутайд тооцож, 6 сарын хорих ял, 240 цаг нийтэд тустай ажил хийх ял оногдуулж, нийт 7 сарын хорих ялаар шийтгэж, нээлттэй хорих байгууллагад эдлүүлэхээр шийдвэрлэсэн.

ҮНДЭСЛЭЛ: Шүүгдэгчийн үйлдсэн гэмт хэргийн шинж байдал, учирсан хохирол, гэм буруугийн хэлбэр, урьд ял шийтгүүлж байсан байдал зэргийг харгалзан үзэж, Эрүүгийн хуулийн холбогдох зүйл заалтуудыг баримтлан гэм буруутайд тооцсон. Гэмт хэргийн улмаас учирсан хохирлыг шүүгдэгч барагдуулсан тул бусдад төлөх төлбөргүй гэж үзсэн. Гэмт хэрэг үйлдсэн хүний хувийн байдал, эрүүгийн хариуцлагын хөнгөрүүлэх, хүндрүүлэх нөхцөл байдлыг тал бүрээс нь харгалзан хариуцлагыг хүлээлгэх үндэслэлтэй гэж дүгнэсэн.