ХЭРГИЙН ТАНИЛЦУУЛГА: Э.Г нь 2020 оны 09 дүгээр сарын 27-ны орой Э.Т-ийн эрүүл мэндэд зүүн нүдний ухайрхайн дотор ханын хугарал, хамар ясны хугарал бүхий хөнгөн хохирол санаатай учруулсан хэрэгт холбогдсон.
АНХАН ШАТ: Шүүгдэгч Э.Г нь Эрүүгийн хуулийн тусгай ангийн 11.6 дугаар зүйлийн 1-д заасан "хүний эрүүл мэндэд хөнгөн хохирол санаатай учруулсан" гэмт хэргийг үйлдсэн гэм буруутайд тооцож, 800,000 төгрөгөөр торгох ялаар шийтгэсэн. Мөн учирсан хохирлын төлбөрт 2,272,973 төгрөгийг хохирогч Э.Т-д гаргуулж өгөхөөр шийдвэрлэсэн.
ҮНДЭСЛЭЛ: Хэрэгт цугларсан хохирогч, гэрч нарын мэдүүлэг, шинжээчийн дүгнэлт, шүүгдэгчийн мэдүүлэг зэрэг нотлох баримтуудаар шүүгдэгч Э.Г нь хохирогч Э.Т-ийн эрүүл мэндэд хөнгөн хохирол санаатай учруулсан нь тогтоогдсон. Гэмт хэргийн улмаас учирсан хохирлын хэмжээг тогтоож, шүүгдэгчээс гаргуулж өгөхөөр шийдвэрлэсэн.