ХЭРГИЙН ТАНИЛЦУУЛГА: Шүүгдэгч нь хувийн таарамжгүй харилцааны улмаас хохирогчийг зодож, улмаар эрүүл мэндэд нь хөнгөн хохирол учруулсан хэргээр яллагдав. АНХАН ШАТ: Шүүгдэгч Ж нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "Хүний эрүүл мэндэд хөнгөн хохирол санаатай учруулах" гэмт хэрэг үйлдсэн гэм буруутайд тооцож, 450,000 төгрөгөөр торгох ял оногдуулсан.
ҮНДЭСЛЭЛ: Хохирогчийн мэдүүлэг, эмнэлгийн дүгнэлт, гэрчийн мэдүүлэг болон бусад нотлох баримтуудаар шүүгдэгч нь хохирогчийг чулуугаар цохиж, улмаар өшиглөснөөс тархины доргилт, зулайны шарх, хавдар, зүүн бүсэлүүрийн цус хуралт зэрэг хөнгөн зэргийн гэмтэл учруулсан нь тогтоогдсон. Шүүгдэгчийн үйлдлийг эрүүгийн хариуцлага хүлээлгэхэд хөнгөрүүлэх нөхцөл байдал тогтоогдоогүй боловч, хохирогчийн зүй бус үйлдлээс шалтгаалсан гэж үзэж, ялыг тогтоохдоо нөхцөл байдлыг харгалзан үзсэн. Хохирогч нь гэмтэлтэй холбоотой мөнгөн төлбөр нэхэмжилээгүй.