ХЭРГИЙН ТАНИЛЦУУЛГА: Шүүгдэгч нь адуу хашиж байсан төмөр лоомоо шидэж, хохирогчийн толгойд цохиж, зүүн нүдний харааг бүрэн алдагдуулсан болно.
АНХАН ШАТ: Шүүгдэгчийг хүний эрүүл мэндэд болгоомжгүйгээр хүнд хохирол учруулсан гэм буруутайд тооцож, Эрүүгийн хуулийн тусгай ангийн 11.3 дугаар зүйлийн 1 дэх хэсэгт зааснаар 2 жилийн хугацаагаар тэнсэж, оршин суух газраа өөрчлөх, зорчин явахдаа хяналт тавьж байгаа эрх бүхий байгууллагад мэдэгдэх үүрэг хүлээлгэсэн.
ҮНДЭСЛЭЛ: Хохирогчийн мэдүүлэг, гэрчүүдийн мэдүүлгүүд, шүүх эмнэлгийн дүгнэлтээр шүүгдэгчийн үйлдсэн гэмт хэрэг нотлогдсон. Шүүгдэгч гэм буруугаа хүлээн зөвшөөрч, хохирлыг барагдуулахад бэлэн байсан, анх удаа гэмт хэрэг үйлдсэн зэргийг харгалзан ялыг тэнссэн.