ХЭРГИЙН ТАНИЛЦУУЛГА: Хамт ажилладаг байгууллагадаа согтууруулах ундаа хэрэглэсэн үедээ маргалдаж, улмаар хохирогчийг заазуураар цохиж хүндэвтэр зэргийн гэмтэл учруулсан хэрэг.
АНХАН ШАТ: Шүүгдэгчийг Эрүүгийн хуулийн тусгай ангийн 11.4 дүгээр зүйлийн 1 дэх хэсэгт заасан "Хүний эрүүл мэндэд хүндэвтэр хохирол санаатай учруулах" гэмт хэрэг үйлдсэн гэм буруутайд тооцож, 1 сая төгрөгөөр торгох ял оногдуулж, төлөх хугацааг 3 сар болгон тогтоожээ.
ҮНДЭСЛЭЛ: Гэм бурууг гэрч, хохирогч, шүүгдэгчийн мэдүүлгүүд, хэргийн газрын үзлэг, шинжээчийн дүгнэлт зэрэг баримтаар тогтоосон. Хохирогчид учирсан хохирлыг шүүгдэгч төлсөн тул нэхэмжлэх зүйлгүй болсон. Эрүүгийн хуулийн ерөнхий ангийн 6.5 дугаар зүйлийн 1 дэх хэсэгт заасан "хохирогчид учруулсан хохирлыг нөхөн төлсөн" гэх хөнгөрүүлэх нөхцөл байдлыг харгалзан ял оногдуулсан.