Тогтоол №48900

ХЭРГИЙН ТАНИЛЦУУЛГА: Шүүгдэгч Б.Б, Э.У, Ө.А нар нь хохирогч Б.М-ын эрүүл мэндэд хүндэвтэр хохирол санаатай учруулсан хэргийг бүлэглэн үйлдсэн гэм буруутай эсэх асуудлыг хэлэлцсэн.

АНХАН ШАТ: Шүүгдэгч Б.Б, Э.У, Ө.А нарыг Эрүүгийн хуулийн тусгай ангийн 11.4 дүгээр зүйлийн 2 дахь хэсгийн 2.1 дэх заалтад зааснаар "хүний эрүүл мэндэд хүндэвтэр хохирол санаатай учруулах" гэмт хэргийг хүндрүүлэх нөхцөл байдалтайгаар буюу бүлэглэж үйлдсэн гэм буруутайд тус тус тооцсон. Шүүгдэгч Б.Б-г 3.000.000 төгрөгөөр, Э.У-г 2.700.000 төгрөгөөр торгож, торгох ялыг 3 сарын хугацаанд хэсэгчлэн төлүүлэхээр тогтоов. Шүүгдэгч Ө.А-г 1 жилийн хугацаагаар хорих ял оногдуулж, 7 сартай жирэмсэн болохыг харгалзан ял биелүүлэхийг 1 жилийн хугацаагаар хойшлуулсан. Гэм хорын хохиролд 332.960 төгрөгийг шүүгдэгч нараас гаргуулж хохирогчид олгохоор шийдвэрлэв.

ҮНДЭСЛЭЛ: Үйл баримтыг шүүхийн шинжилгээний дүгнэлт, камерын бичлэг, хохирогч, гэрч нарын мэдүүлгүүдээр нотлогдсон гэж үзсэн. Гэмт хэргийн улмаас учирсан хохирол, шүүгдэгч нарын хувийн байдал, эрүүгийн хариуцлагын зорилгыг харгалзан ял шийтгэлийг оногдуулсан. Жирэмсэн эхэд ял хойшлуулсан нь Эрүүгийн хуулийн холбогдох зүйлд нийцсэн.