Тогтоол №48799

ХЭРГИЙН ТАНИЛЦУУЛГА: Эрүүгийн мөрдөгч Б.Г нь ажил үүргээ гүйцэтгэж байхдаа шалгагдаж байсан иргэн А.Батсайханыг хэрэг хүлээлгэх зорилгоор цахилгаан бороохойгоор цохиж, бие махбодийг нь шаналган зовоосон гэмт хэрэгт холбогдсон. АНХАН ШАТ: Шүүгдэгч Б.Г Эрүүгийн хуулийн тусгай ангийн 21.12 дугаар зүйлийн 1 дэх хэсэгт заасан эрүү шүүлт тулгах гэмт хэрэг үйлдсэн гэм буруутайд тооцож, 6,000,000 төгрөгөөр торгох ял оногдуулж, 2 жилийн хугацаанд хэсэгчлэн төлүүлэхээр шийдвэрлэв.

ҮНДЭСЛЭЛ: Хохирогчийн мэдүүлэг, шинжээчийн дүгнэлт, гэрч нарын мэдүүлэг, баримт нотолгоонуудаар Б.Г нь цахилгаан бороохой ашиглан А.Батсайханыг зодож, бие махбодийг нь шаналган зовоосон нь Эрүүгийн хуулийн 21.12 дугаар зүйлийн 1 дэх хэсэгт заасан гэмт хэргийн шинжийг бүрэн агуулж байсан тул шүүх уг хэргийг нотолсон. Гэм буруугийн хэлбэр, нийгмийн аюулын шинж чанар, шүүгдэгчийн хувийн байдлыг харгалзан торгох ял оногдуулсан.