ХЭРГИЙН ТАНИЛЦУУЛГА: Шүүгдэгч нь хохирогчийг модон сандалаар цохиж эрүүл мэндэд нь хүнд хохирол учруулсан хэрэгт холбогджээ. Хэрэг хялбаршуулсан журмаар хянан шийдвэрлэгдсэн. АНХАН ШАТ: Эрүүгийн хуулийн тусгай ангийн 11.1 дүгээр зүйлийн 1 дэх хэсэгт зааснаар хүний эрүүл мэндэд хүнд хохирол санаатай учруулсан гэмт хэрэг үйлдсэн гэм буруутайд тооцож, 10,000,000 төгрөгөөр торгох ял оногдуулж, төлөх хугацааг 2 жил болгосон.
ҮНДЭСЛЭЛ: Хохирогч, гэрч, шүүгдэгчийн мэдүүлгүүд, шүүх эмнэлгийн дүгнэлт зэрэг нотлох баримтуудаар хэргийг нотолсон. Шүүгдэгч гэм буруугаа хүлээн зөвшөөрч, хэргийг хялбаршуулсан журмаар шийдвэрлүүлэх хүсэлт гаргасныг хангаж шийдвэрлэсэн. Хохирогч нэхэмжлэх зүйлгүй гэснийг дурдсан.