Тогтоол №48443

ХЭРГИЙН ТАНИЛЦУУЛГА: Хохирогч Ч.Б, Ц.Б, П.Б, П.Н нарын мал, хохирогч М.Гын эрүүл мэндэд хохирол учруулсан хэргүүдэд шүүгдэгч Д.О, А.Э нар холбогджээ. Д.О нь хохирогч Ч.Бын хурдан удмын морь, хохирогч Ц.Бын морийг хулгайлж, хохирогч П.Бын 2 адуу, хохирогч П.Нын 2 адууг бүлэглэн хулгайлсан, мөн хохирогч М.Гын толгойд пивоны шилээр цохиж хөнгөн хохирол учруулсан гэмт хэрэг үйлдсэн. А.Э нь Д.Отой бүлэглэн хохирогч П.Нын 2 адууг хулгайлах гэмт хэрэгт холбогдсон.

АНХАН ШАТ: Шүүгдэгч Д.Ог бүлэглэж бусдын мал хулгайлсан, хүний эрүүл мэндэд хөнгөн хохирол учруулсан гэмт хэрэгт гэм буруутайд тооцож, нийтэд тустай 720 цаг ажил хийлгэх ял оногдуулжээ. Шүүгдэгч А.Эийг бүлэглэж бусдын мал хулгайлсан хэрэгт гэм буруутайд тооцож, 1 жилийн хугацаагаар тэнсэж, оршин суух газраа өөрчлөх, зорчихдоо урьдчилан мэдэгдэх үүрэг хүлээлгэжээ.

ҮНДЭСЛЭЛ: Холбогдох нотлох баримтуудаар шүүгдэгч Д.О, А.Э нар нь бүлэглэн бусдын малыг хулгайлсан, Д.О нь хохирогч М.Гын эрүүл мэндэд хөнгөн хохирол учруулсан нь нотлогджээ. Гэмт хэргийн улмаас учруулсан хохирлыг шүүгдэгч нар бүрэн барагдуулсан тул ял хөнгөрүүлэх нөхцөл байдал бий.