Тогтоол №48399

ХЭРГИЙН ТАНИЛЦУУЛГА: Шүүгдэгчийг бусдын эд хөрөнгийг хууль бусаар авсан гэмт хэрэгт тооцож, Эрүүгийн хуулийн тусгай ангийн 17.1 дүгээр зүйлд зааснаар хорих ял оногдуулахгүйгээр тэнсэх, оршин суугаа газар, ажлаа өөрчлөх, зорчин явахдаа хяналт тавьж байгаа эрх бүхий байгууллагад урьдчилан мэдэгдэх үүрэг хүлээлгэх, тэнссэн хугацаанд хүлээсэн үүргээ биелүүлээгүй буюу санаатай гэмт хэрэг үйлдсэн тохиолдолд тэнссэн шийдвэрийг хүчингүй болгож ял оногдуулах, энэ талаар хяналт тавихыг Шүүхийн шийдвэр гүйцэтгэх газарт даалгасан.

АНХАН ШАТ: Шүүгдэгчийг бусдын эд хөрөнгийг хүч хэрэглэхгүйгээр, нууцаар, хууль бусаар авсан гэмт хэрэгт гэм буруутайд тооцон, Эрүүгийн хуулийн ерөнхий ангийн 7.1 дүгээр зүйлийг журамлан, тусгай ангийн 17.1 дүгээр зүйлд зааснаар 1 жилийн хугацаагаар тэнсэж, мөн хуулийн ерөнхий ангийн 7.3 дугаар зүйлийн 2 дахь хэсэгт зааснаар хяналт тогтоох албадлагын арга хэмжээ авахаар шийдвэрлэсэн.

ҮНДЭСЛЭЛ: Эрүүгийн хэргийг хянан шийдвэрлэхэд Эрүүгийн хуулийн холбогдох зүйл заалтыг зөв хэрэглэсэн, шүүгдэгчийн үйлдсэн гэмт хэргийн шинж чанар, хэмжээ, учруулсан хохирлыг харгалзан ял шийтгэлийг тогтоосон, эрүүгийн хэрэг хянан шийдвэрлэх тухай хуульд заасан журмыг баримталсан.