ХЭРГИЙН ТАНИЛЦУУЛГА: Шүүгдэгч нь зочид буудалд хохирогчтой маргалдаж, архины хундагаар толгой руу нь цохиж хөнгөн хохирол учруулсан хэрэгт буруутгагдсан.
АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "хүний эрүүл мэндэд хөнгөн хохирол санаатай учруулсан" гэмт хэрэгт гэм буруутайд тооцож, 500 нэгжтэй тэнцэх хэмжээний буюу 500.000 төгрөгөөр торгох ялаар шийтгэсэн.
ҮНДЭСЛЭЛ: Хэрэгт цугларсан нотлох баримтуудаар шүүгдэгч хохирогчийн эрүүл мэндэд хөнгөн хохирол санаатай учруулсан нь тогтоогдсон. Гэм буруугийн талаар маргаагүй. Хөнгөрүүлэх, хүндрүүлэх нөхцөл байдал тогтоогдоогүй. Хохирогч гомдол, нэхэмжлэлгүй.