ХЭРГИЙН ТАНИЛЦУУЛГА: Жолооч нь автобусны буудал дээр буцаж эргэхдээ мотоциклтой мөргөлдөж, хохирогчийн эрүүл мэндэд хүндэвтэр хохирол учруулсан хэрэг.
АНХАН ШАТ: Шүүгдэгчийг Замын хөдөлгөөний аюулгүй байдлын тухай хууль болон түүнд нийцүүлэн гаргасан Замын хөдөлгөөний дүрмийн заалтыг зөрчсөн гэм буруутайд тооцож, 500,000 төгрөгөөр торгох ял оногдуулж, учирсан хохирлыг "Мон масло" ХХК-аас гаргуулж хохирогчид олгохоор шийдвэрлэв.
ҮНДЭСЛЭЛ: Шүүгдэгч нь Замын хөдөлгөөний дүрмийн 10.13-р зүйлийг зөрчсөн нь нотлогдсон. Тэрээр гэм буруугаа хүлээн зөвшөөрч, хэргийг хялбаршуулсан журмаар шийдвэрлэх хүсэлт гаргасан. Хохирогчтой эвлэрч, учирсан хохирлыг нөхөн төлөхөөр болсон. Иймд Эрүүгийн хуулийн тусгай ангийн 27.10 дугаар зүйлийн 1 дэх хэсэгт зааснаар ял оногдуулж, Иргэний хуулийн холбогдох зүйл заалтыг үндэслэн иргэний хариуцлагыг тогтоов.