ХЭРГИЙН ТАНИЛЦУУЛГА: Шүүгдэгч нь бусдын биед хөнгөн хохирол санаатай учруулсан гэмт хэрэгт холбогджээ. АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1-д зааснаар гэм буруутайд тооцож, 500 нэгж буюу 500,000 төгрөгөөр торгож, гурван сарын хугацаанд хэсэгчлэн төлүүлэхээр шийдвэрлэв.
ҮНДЭСЛЭЛ: Шүүгдэгчийн үйлдсэн гэмт хэргийн шинж нь Эрүүгийн хуулийн тусгай ангийн 11.6 дугаар зүйлийн 1-д заасан буюу хүний эрүүл мэндэд хөнгөн хохирол санаатай учруулсан гэмт хэргийн шинжийг бүрэн хангаж байв. Шүүгдэгч гэм буруугаа хүлээн зөвшөөрч, учруулсан хохирлыг барагдуулсан нь хөнгөлөх нөхцөл боллоо.