Тогтоол №45690

ХЭРГИЙН ТАНИЛЦУУЛГА: Шүүгдэгч нар согтуугаар бүлэглэж, хохирогчийг зодож, хөнгөн хохирол учруулсан хэрэг.

АНХАН ШАТ: Хохирогчийн эрүүл мэндэд хөнгөн хохирол санаатай учруулсан гэмт хэргийг бүлэглэж үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар шүүгдэгч Т.Д-г 700,000 төгрөгөөр, С.О-г 450,000 төгрөгөөр торгох ял оногдуулж, ялыг гурван сарын хугацаанд хэсэгчлэн төлүүлэхээр шийдвэрлэв.

ҮНДЭСЛЭЛ: Шүүгдэгч нар согтуугаар бүлэглэж, хохирогчийг үл ялих зүйлээр шалтаглан зодож, уруулд шарх, шүдний гэмтэл, зулгаралт зэрэг хөнгөн хохирол учруулсан нь нотлох баримтуудаар тогтоогдсон. Гэмт хэргийн улмаас учирсан хохирлыг төлж барагдуулсан, хохирогч гомдолгүй байсан зэрэг нөхцөл байдлыг харгалзан ял шийтгэлийг хөнгөрүүлж, торгох ял оногдуулсан. Гэмт хэрэг үйлдсэн этгээдэд оногдуулсан торгох ялыг хэсэгчлэн төлөх хугацааг тогтоох, эс биелүүлбэл хорих ялаар солих нөхцөлийг мэдэгдсэн.