Тогтоол №45663

ХЭРГИЙН ТАНИЛЦУУЛГА: Шүүгдэгч Л.М нь 2019 оны 3 дугаар сарын 26-27-нд шилжих шөнө Баянгол дүүргийн үсчний газарт архи уусан, хаалга эвдэн, эд зүйлсийг гэмтээж, агсам тавьсан иргэн Н.Ж-г зогсоох гэж оролдох явцад Н.Ж нь шүүгдэгч рүү хайч барин дайрч, улмаар шүүгдэгч Л.М нь Н.Ж-г хязгаарлах зорилгоор газар дарж унагаан, биеийн жингээр дарж сууснаас болж Н.Ж нь амь насаа алдсан.

АНХАН ШАТ: Шүүгдэгч Л.М-д холбогдох хүнийг алах гэмт хэргийг Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан үндэслэлээр хэрэгсэхгүй болгож, Л.М-г цагаатгасан.

ҮНДЭСЛЭЛ: Хэрэг гарсны дараа шүүгдэгч цагдаад мэдэгдэж, өөрийн эхнэрийг хамгаалж, халдлагыг таслан зогсоох зорилготой байсан. Амь хохирогч нь хүнд согтууруулах, уурласан байдалтай, хайч барьж дайрсан нь шинжээчийн дүгнэлтээр тогтоогдсон. Амь хохирогчийн нас барилт нь хүнд согтолттой холбоогүй, харин цээжний битүү гэмтэл, зүрхний булчингийн задрал, үнхэлцгийн хөндийд цус хуралдаж, зүрх чихэлдэхэд хүргэсэн нь тогтоогдсон. Шүүгдэгчийн үйлдлийг Эрүүгийн хуулийн ерөнхий ангийн 4.1 дүгээр зүйлийн 1 дэх хэсэгт заасан "бусдад тулгарсан бодит ба хууль бус довтолгооны эсрэг хийсэн гэмт хэргийн шинжтэй үйлдлийг гэмт хэрэгт тооцохгүй" гэх үндэслэлээр аргагүй хамгаалалт хэмээн үзэж цагаатгасан.