ХЭРГИЙН ТАНИЛЦУУЛГА: Архи ууж байхдаа найзтайгаа маргалдаж, биед нь хөнгөн хохирол учруулсан этгээдэд холбогдох эрүүгийн хэргийг хянан хэлэлцсэн.
АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэрэг үйлдсэн гэм буруутайд тооцож, эрүүгийн хариуцлага хүлээлгэхээр шийдвэрлэсэн.
ҮНДЭСЛЭЛ: Шүүгдэгч согтууруулах ундаа хэрэглэсэн үедээ хохирогчтой маргалдаж, хүч хэрэглэн биед нь хөнгөн хохирол учруулсан нь тогтоогдсон. Шүүгдэгч үйлдсэн гэм буруугаа хүлээн зөвшөөрч, хохирлыг барагдуулсан, урьд нь гэмт хэрэгт холбогдож байсан ч албадлагын арга хэмжээг биелүүлсэн байдал зэргийг харгалзан Эрүүгийн хариуцлагыг хөнгөрүүлэх нөхцөл байдал тогтоогдсон.