Тогтоол №45384

ХЭРГИЙН ТАНИЛЦУУЛГА: Шүүгдэгч Б.О нь гэр бүлийн хамаарал бүхий харилцаатай А.Б-тэй харгис хэрцгий харьцаж, догшин авирлаж, тарчлааж, эд хөрөнгийг нь эзэмших, ашиглах эрхэд нь халдаж, гэр бүлийн хүчирхийлэл үйлдэж, хүний эрүүл мэндэд хөнгөн хохирол санаатай учруулсан гэмт хэрэгт холбогдсон. Шүүгдэгч гэм буруугаа хүлээн зөвшөөрсөн. АНХАН ШАТ: Шүүгдэгч Б.О-г Эрүүгийн хуулийн тусгай ангийн 11.7 дугаар зүйлийн 1 дэх хэсгийн 1.2, 1.3, 11.6 дугаар зүйлийн 2 дахь хэсэгт зааснаар гэм буруутайд тооцож, 11 сар 03 хоногийн хорих ял оногдуулж, нээлттэй хорих байгууллагад эдлүүлэхээр шийдвэрлэсэн.

ҮНДЭСЛЭЛ: Шинжлэн судалсан нотлох баримтуудаар шүүгдэгч нь гэр бүлийн хамаарал бүхий харилцаатай хүнээ байнга харгис хэрцгий харьцаж, догшин авирлаж, тарчлааж, эд хөрөнгийг нь эзэмших, ашиглах эрхэд нь халдаж, гэр бүлийн хүчирхийлэл үйлдсэн, мөн гэр бүлийн хүчирхийлэл үйлдэж хүний эрүүл мэндэд хөнгөн хохирол санаатай учруулсан болох нь тогтоогдсон. Хуулийн зүйл хэсэг тохирсон, шүүгдэгчийн гэм буруу нотлох баримтаар нотлогдож байх тул эрүүгийн хариуцлага хүлээлгэх үндэстэй. Гэмт хэрэг үйлдэгдсэн нөхцөл байдал, шүүгдэгчийн хувийн байдлыг харгалзан хорих ял оногдуулж, нээлттэй хорих байгууллагад эдлүүлэхээр шийдвэрлэсэн.