ХЭРГИЙН ТАНИЛЦУУЛГА: Шүүгдэгч Г.О нь иргэн Б.З-г машины толь шүргэлээ гэх шалтгаанаар цавь тус газарт нь өшиглөж, хөнгөн гэмтэл учруулсан хэрэгт холбогджээ. Шүүгдэгч болон хохирогч нар өөр хоорондоо зөрүүтэй мэдүүлэг өгсөн.
АНХАН ШАТ: Шүүгдэгч Г.О-г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол учруулах гэмт хэргийг үйлдсэн гэм буруутайд тооцож, 500.000 төгрөгөөр торгох ял оногдуулжээ. Хохирогчийн эмчилгээний зардалд 352.855 төгрөгийг гаргуулж өгөхөөр шийдвэрлэсэн.
ҮНДЭСЛЭЛ: Шинжээчийн дүгнэлт болон хэргийн бусад нотлох баримтаар хохирогчид учирсан гэмтэл нь шүүгдэгчийн үйлдлээр үүссэн болох нь тогтоогдсон. Шүүгдэгч өөрийн үйлдлийг хүлээн зөвшөөрсөн ч учирсан гэмтлийг няцааж байсан. Шүүх гэмт хэрэг гарсан шалтгаан, нөхцөл, шүүгдэгчийн хувийн байдал, хохирогчид учруулсан хохирлын хэмжээ зэргийг харгалзан ял оногдуулсан.