Тогтоол №121570

ХЭРГИЙН ТАНИЛЦУУЛГА: Жолоодох эрх нь хасагдсан байдалтай согтуугаар тээврийн хэрэгсэл жолоодсон этгээдийг Эрүүгийн хуулийн холбогдох зүйлд заасан гэмт хэрэгт буруутгаж, яллах дүгнэлт үйлджээ. АНХАН ШАТ: Тээврийн хэрэгсэл жолоодох эрх нь хасуулсан байдалтай согтуугаар тээврийн хэрэгсэл жолоодсон үйлдлийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэгт тооцож, жолоодох эрхийг 2 жил хасаж, 5 сая төгрөгөөр торгох, торгох ялыг 8 сарын хугацаанд хэсэгчлэн төлөхөөр, биелүүлээгүй тохиолдолд хорих ялаар солих, жолоодох эрх хасах ялыг тогтоосон өдрөөс эхлэн тоолохоор шийдвэрлэжээ.

ҮНДЭСЛЭЛ: Анхан шатны шүүхээс шүүгдэгчийн мэдүүлэг, хэрэгт авагдсан бичгийн нотлох баримтуудад үндэслэн гэм бурууг тогтоож, Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэргийг үйлдсэнд тооцож, Эрүүгийн хуулийн ерөнхий болон тусгай ангийн холбогдох зүйлүүдийг удирдлага болгон шийтгэх тогтоол гаргасан. Эрүүгийн хэрэг хянан шийдвэрлэх ажиллагаа хуульд заасан журмын дагуу явагдсан, оролцогчийн хууль ёсны эрхийг зөрчсөн нөхцөл тогтоогдоогүй.