Тогтоол №121104

ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ тээврийн хэрэгсэл жолоодож, жолоодох эрхээ хасуулсан байдалтай дахин гэмт хэрэг үйлдсэн этгээдтэй холбоотой хэрэг. АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан гэмт хэрэгт гэм буруутайд тооцож, тээврийн хэрэгсэл жолоодох эрхийг нэг жилийн хугацаагаар хасаж, 2.700.000 төгрөгөөр торгох, торгох ялыг 6 сарын хугацаанд хэсэгчлэн төлүүлэх, торгох ялыг хугацаанд нь биелүүлээгүй бол хорих ялаар солих, нэмэгдэл ялыг тогтоол хүчин төгөлдөр болсон үеэс тоолох, хяналт тавихыг Шүүхийн шийдвэр гүйцэтгэх газарт даалгав.

ҮНДЭСЛЭЛ: Шүүгдэгчийн үйлдсэн хэрэг нь тээврийн хэрэгсэл жолоодох эрхээ хасуулсан үедээ согтууруулах ундааны зүйл хэрэглэж, тээврийн хэрэгсэл жолоодсон, мөн согтуурсан, мансуурсан эсэхээ шалгуулахаас зайлсхийсэн нь тогтоогдсон. Хэргийг хялбаршуулсан журмаар шийдвэрлэх боломжтой байсан бөгөөд нотлох баримтуудаар гэм буруу нь хангалттай нотлогдсон. Шүүгдэгч гэм буруугаа хүлээн зөвшөрсөн, хохирогчтой эвлэрсэн, эрүүгийн хариуцлагыг хөнгөрүүлэх, хүндрүүлэх нөхцөл байдал тогтоогдоогүй.