Тогтоол №120652

ХЭРГИЙН ТАНИЛЦУУЛГА: Согтууруулах ундааны зүйлийг хэрэглэх явцад хохирогчтой маргалдаж, хохирогчийн нүүрэн тус газарт нь 2 удаа цохиж, түлхэн унагааж, зүүн хөмсөгний хэсэгт зүсэгдсэн ил шарх бүхий хөнгөн хохирол санаатай учруулсан этгээдтэй холбоотой хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "Хүний эрүүл мэндэд хөнгөн хохирол санаатай учруулах" гэмт хэргийг үйлдсэн гэм буруутайд тооцож, 1.100.000 төгрөгөөр торгох ял оногдуулж, учирсан эмнэлгийн зардалд 106.190 төгрөгийг Эрүүл мэндийн даатгалын санд төлүүлэхээр шийдвэрлэсэн.

ҮНДЭСЛЭЛ: Шүүгдэгчийн хэргээ хүлээн мэдүүлсэн, хохирогчийн мэдүүлэг, шинжээчийн дүгнэлт, гэрэл зургийн үзүүлэлт, согтуурал шалгасан баримтуудаар шүүгдэгчийн үйлдсэн гэмт хэрэг болон хохирогчийн биед учирсан хохирол хангалттай нотлогдсон. Гэмт хэргийн шинжийг бүрэн хангасан тул Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэм буруутайд тооцож, Эрүүгийн хуулийн ерөнхий болон тусгай ангид заасан хуулийн дагуу ял шийтгэл оногдуулсан. Хохирогчийн эрүүл мэндийн тусламж үйлчилгээний зардлыг Иргэний хууль болон Эрүүл мэндийн даатгалын хуулийн дагуу шүүгдэгчээс гаргуулж, Эрүүл мэндийн даатгалын санд төлүүлэхээр шийдвэрлэсэн.