Тогтоол №120278

ХЭРГИЙН ТАНИЛЦУУЛГА: Хөвсгөл аймгийн шүүгдэгч В.М нь нөгөө шүүгдэгч П.Ч-ийг зодож эрүүл мэндэд нь хөнгөн хохирол учруулсан, шүүгдэгч П.Ч нь шүүгдэгч В.М-ийг зодож эрүүл мэндэд нь хүндэвтэр хохирол учруулсан хэрэг.

АНХАН ШАТ: Шүүгдэгч В.М-ийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 500,000 төгрөгөөр, шүүгдэгч П.Ч-ийг Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар 600,000 төгрөгөөр тус тус торгох ялаар шийтгэсэн.

ҮНДЭСЛЭЛ: Шүүгдэгч нар гэм буруугаа хүлээн зөвшөөрсөн, хохирогчдод учирсан хохирлыг бүрэн барагдуулсан, Эрүүгийн хуульд заасан гэмт хэргийн шинжийг бүрэн хангасан. Шүүхийн шинжилгээний дүгнэлт, гэрч, хохирогчдын мэдүүлэг зэрэг нотлох баримтаар тогтоогдсон. Ял шийтгэл нь Эрүүгийн хуульд нийцсэн.