Тогтоол №120134

ХЭРГИЙН ТАНИЛЦУУЛГА: Шүүгдэгч *********** нь бусдын амь насыг бүрэлгэсэн, эд хөрөнгийг хулгайлсан, хууль бусаар авсан хэргүүдэд, шүүгдэгч *********** нь бусдын эд хөрөнгийг хууль бусаар авсан хэргүүдэд тус тус холбогдсон.

АНХАН ШАТ: Шүүгдэгч ***********г Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан "хүнийг алсан" гэмт хэрэгт, Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад заасан "бүлэглэж болон дангаар хүн байнга амьдрах, үйл ажиллагаа явуулах зориулалттай орон байранд нэвтэрч бусдын эд хөрөнгийг хүч хэрэглэхгүйгээр, нууцаар, хууль бусаар авсан" гэмт хэрэгт, Эрүүгийн хуулийн тусгай ангийн 17.2 дугаар зүйлийн 1 дэх хэсэгт заасан "бусдын эд хөрөнгийг илээр, хүч хэрэглэхгүйгээр, хууль бусаар авсан гэмт хэргийг бүлэглэж үйлдсэн" гэм буруутайд тус тус тооцсон. Шүүгдэгч ***********г Эрүүгийн хуулийн тусгай ангийн 17.2 дугаар зүйлийн 1 дэх хэсэгт заасан "бусдын эд хөрөнгийг илээр, хүч хэрэглэхгүйгээр, хууль бусаар авсан гэмт хэргийг бүлэглэж үйлдсэн" гэм буруутайд тооцсон.

ҮНДЭСЛЭЛ: Шүүгдэгч ***********г хүндрүүлэх нөхцөл байдлыг харгалзан хүнийг алсан хэрэгт 10 жил, худалдааны байранд нэвтэрч хулгайлсан хэрэгт 3 жил, дээрэмдсэн хэрэгт 1 жил хорих ял оногдуулж, нийт 14 жилийн хорих ял болгон нэгтгэн, өмнө эдэлж байсан ялын үлдэгдэлтэй хамт нийт 15 жил 11 сар 8 хоног хорих ял оногдуулж, хаалттай хорих байгууллагад эдлүүлэхээр шийдвэрлэсэн. Шүүгдэгч ***********д бусдын эд хөрөнгийг хууль бусаар авсан хэрэгт 1 жилийн хорих ял оногдуулж, нээлттэй хорих байгууллагад эдлүүлэхээр шийдвэрлэсэн. Гэмт хэргийн улмаас учирсан хохирлыг шүүгдэгч нараас гаргуулж хохирогчдод олгохоор шийдвэрлэсэн.