ХЭРГИЙН ТАНИЛЦУУЛГА: Ёс бус харьцаа, хэрүүл маргааны улмаас нэг иргэн нөгөө иргэний эрүүл мэндэд хөнгөн хохирол учруулсан хэргийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар эрүүгийн хэрэг үүсгэн шалгав. АНХАН ШАТ: Хүний эрүүл мэндэд хөнгөн хохирол санаатай учруулсан гэм буруутайд тооцож, 700,000 төгрөгөөр торгох, торгох ялыг 90 хоногт хэсэгчлэн төлөх, хугацаанд биелүүлээгүй тохиолдолд хорих ялаар солих шийдвэр гаргав.
ҮНДЭСЛЭЛ: Шүүгдэгч гэм буруугаа хүлээн зөвшөөрсөн, хохирогч, гэрчийн мэдүүлэг, шинжээчийн дүгнэлт зэрэг нотлох баримтаар гэм буруу нь тогтоогдсон. Гэмт хэрэг үйлдсэн шалтгаан нөхцөлийг тооцон, Эрүүгийн хуулийн ерөнхий ангийн 6.5 дугаар зүйлийн 1 дэх хэсэгт заасан хөнгөрүүлэх нөхцөлийг харгалзан ял оногдуулсан. Иргэний хэргээр нэхэмжлэх эрхтэйг дурдсан.