Тогтоол №115621

ХЭРГИЙН ТАНИЛЦУУЛГА: Иргэн А-ийн өмчлөлийн хоёр үхрийг хулгайлж, улмаар эзэнд нь буцаан өгсөн боловч эд хөрөнгийн хохирол учруулсан хэрэг. Шүүгдэгч нь үхрийг хулгайлах гэмт хэргийг үйлдсэн гэм буруутай эсэх, алдуул малыг завшсан эсэх талаар маргажээ. АНХАН ШАТ: Шүүгдэгч нь Эрүүгийн хуулийн тусгай ангийн 7.2 дугаар зүйлийн 2 дахь хэсгийн 2-т заасан гэмт хэргийг үйлдсэн гэм буруутайд тооцож, Эрүүгийн хуулийн тусгай ангийн 7.5 дугаар зүйлд заасан "Алдуул малыг бусдын өмчлөл, эзэмшилд байгааг мэдсээр байж завшсаны улмаас бага хэмжээнээс дээш хохирол учруулсан" гэмт хэрэгт хөнгөрүүлэн зүйлчилж, 700,000 төгрөгөөр торгож, сарын хугацаанд хэсэгчлэн төлүүлэхээр шийдвэрлэв.

ҮНДЭСЛЭЛ: Анхан шатны шүүх нь хэргийн бодит байдлыг тогтоох зарчмын дагуу Эрүүгийн хэрэг хянан шийдвэрлэх тухай хуулийн дагуу талуудын мэтгэлцээн дээр шинжлэн судалсан нотлох баримтын хүрээнд шүүгдэгч нь бага хэмжээнээс дээш хохирол учруулсан гэмт хэргийг үйлдсэн болохыг тогтоосон. Гэсэн хэдий ч, шүүгдэгч нь бусдын үхрийг олж авахын тулд идэвхитэй үйлдэл хийгээгүй, хохирогчийн үхэр шүүгдэгчийн эзэмшилд тохиолдлын шинжтэй нөхцөл байдлын улмаас шилжсэний дараа завших сэдэл төрж, улмаар үхрийг муулахаар шийдсэн нь хулгайлах гэмт хэргийн шинжийг хангаагүй байна. Мөн хохирогч нь үхрээ амьдаар нь буцаан авсан, гомдол саналгүй, цаашид нэхэмжлэх зүйлгүй гэснийг үндэслэн шүүгдэгчийг төлбөргүй тооцжээ. Гэм бурууг алдуул малыг завшсан байдлаар хөнгөрүүлэн зүйлчилсэн болно.